DeLaval mjaltakerfaþjónusta

Bústólpi er sölu- og þjónustuaðili fyrir DeLaval mjaltabúnað. Tveir starfsmenn Bústólpa eru í fullu starfi við að þjónusta mjaltabúnað ásamt því að sjá um uppsetningu á nýjum búnaði hjá bændum.

Í verslun Bústólpa er haldinn varahlutalager með öllu því helsta sem þarf til viðahlds á slíkum búnaði og á það jafnt við um eldri kerfi og nýjustu gerðir sjálfvirkra mjaltaþjóna.

Þjónustusamningar um fyrirbyggjandi viðhald á mjaltabúnaði
Bændum standa til boða þjónustusamningar um nauðsynlegt fyrirbyggjandi viðhald á mjaltabúnaði. Samningar þessir veita bændum einnig betri kjör á varahlutum. Kynntu þér málið hjá þjónustumönnum.

Skipulag og endurnýjun fjósa með tilliti til mjalta og fóðrunar.
Starfsmenn Bústólpa vinna með bændum að hugmyndum um skipulag fjósa. Þannig ræður fyrirtækið yfir þekkingu og tækni til að teikna þrívíðar myndir af fjósum sem nýtast vel þegar verið er að skoða hvort t.d. mjaltaþjóni verði komið við í viðkomandi fjósi og hverskonar skipulag og hjarðstýring eigi við. Við þessa vinnu njótum við leiðsagnar færustu sérfræðinga DeLaval.