Fréttir

Fréttatilkynning 16-05-2018 - Fóðurverð hækkar um 2%

Verðhækkun á kjarnfóðri 16. maí 2018.

Bústólpi hækkar verðskrá sína á kjarnfóðri frá og með deginum í dag 16. maí.

Hækkunin er 2% og er tilkomin vegna hækkunar á heimsmarkaðsverði á sojamjöli og örðum hráefnum.

Nánari upplýsingar veitir aðstoðarframkvæmdarstjóri í síma 460-3354.

Bústólpi færir Hvanneyrarbúinu Colo-Quick broddmjólkurtæki að gjöf

20160629_131644

Bústólpi gaf nú á dögunum Hvanneyrarbúinu Colo-Quick broddmjólkurtæki til eignar. Tilgangurinn með Colo-Quick broddmjólkurtækinu er að eiga alltaf tiltæka broddmjólk af háum gæðum til að gefa nýfæddum kálfum. Broddmjólk er með búnaðinum gæðametin eftir burð og aðeins besta mjólkin valin til frystingar og notkunar síðar fyrir nýfædda kálfa.

Bústólpi og Ráðgjafarmiðstöð landbúnaðarins (RML) semja um áframhaldandi ráðgjöf til kúabænda - Fréttatilkynning 11-08-2016

hanna-og-berglind-3

Bústólpi og RML hafa endurnýjað samkomulag sitt um gerð fóðuráætlana í haust og ráðgjöf til bænda. Með samkomulaginu hyggst Bústólpi bjóða áfram sínum tryggu fóðurkaupendum uppá fría grunnþjónustu við fóðuráætlanagerð sem felst í töku heysýna, efnagreiningu og gerð fóðuráætlunar. Fóðurráðgjafar RML munu annast alla framkvæmdina frá töku sýna til fóðuráætlunar og verða þannig í beinum samskiptum við bændur.

Fréttatilkynning 14-07-2016 – Verðhækkun á kjarnfóðri

Vegna umtalsverðra hækkana á hrávörum á undanförnum vikum, einkum sojamjöli, mun verð á kjarnfóðri hækka hjá Bústólpa. Hækkunin nemur 2,5 til 4,0% og tekur gildi frá og með 25. júlí 2016, en á þeim tíma hafa framkomnar hækkanir hráefna komið að fullu fram í okkar framleiðslu.
Mest er hækkunin á hreinum sojamjölsblöndum eða 4%. Annað fóður hækkar minna.

Nánari upplýsingar veitir framkvæmdastjóri í síma 460 3350

Vorgleði í verslun Bústólpa 12. maí 2016

vorgledi_i_verslun_bustolpa_12-05-2016

Vorgleði verður í verslun Bústólpa á Akureyri fimmtudaginn 12. maí n.k.
Kynningar verða á rafgirðingavörum frá Gallagher, broddmjólkurtæki frá ColoQuick og vörum frá DeLaval.

Kaffi og vöfflur í boði og veglegir happdrættisvinningar

Frábærir afslættir á vörum þennan dag:

25% af blönduboxum fyrir steinefnablöndur
20% af gæludýrafóðri
15% af rafgirðingavörum frá Gallagher
10% af lóðafræi og áburði í smápakkningum
  8% af lambamjólk og Lamm 500 lambakögglum

Fréttatilkynnig 1. mars 2016: Bústólpi lækkar verð á kjarnfóðri

Bústólpi lækkar verð á öllu kjarnfóðri um 4%. Nokkrar tegundir lækka þó enn meir eða 4,5 til 5%.
Lækkunin er tilkomin vegna áframhaldandi lækkana á heimsmarkaðsverði korns og hagstæðs gengis krónunnar. Lækkunin nú tekur einnig tillit til hagstæðara verðs á korni sem er á leið til landsins og munu bændur því njóta þess strax. Er þetta sjöunda lækkun félagsins í röð á kjarnfóðri frá því í maí 2013. Lækkunin hefur þegar tekið gildi.

Nánari upplýsingar veitir Hólmgeir Karlsson, framkvæmdastjóri, í síma 460 3350

Framúrskarandi fyrirtæki 2015 - 3/2

framurskarandi_2015

Bústólpi ehf. hlaut í ár viðurkenningu Credit Info sem eitt af Framúrskarandi fyrirtækjum á Íslandi, en 1,9% íslenskra fyrirtækja fá slíka viðurkenningu í ár.
Er þetta 5 árið í röð sem fyrirtækið hlýtur slíka viðurkenningu.

Hanna Dögg Maronsdóttir aðstoðarframkvæmdastjóri og Hólmgeir Karlsson framkvæmdastjóri Bústólpa tóku við viðurkenningunni í Hörpu á miðvikudaginn var.

Bústólpi þakkar starfsfólki sínu öllu og tryggum viðskiptavinum þennan frábæra árangur.

Bústólpi lækkar verð á kjarnfóðri 2/11 2015

Enn frekari styrking á gengi krónunnar og frekari lækkun á hráefnaverði á heimsmarkaði gera félaginu kleyft að lækka verð á kjarnfóðri nú um 2%
Lækkunin tekur gildi frá og með deginum í dag, mánudaginn 2. nóvember.
Verðlista má finna á heimasíðu félagsins.
Síðasta verðbreyting á kjarnfóðri var einnig lækkun þann 1. október 2015.

Nánari upplýsingar veitir Hólmgeir Karlsson framkvæmdastjóri í síma 460 3350

Tollamáin og landbúnaðurinn - 29. september 2015

Áhrif nýrra samninga Íslands við ESB um viðskipti með landbúnaðarvörur.
Álit Bústólpa ehf. sent til Samtaka Iðnaðarins.

Bústólpi lækkar kjarnfóðurverð um allt að 3%

Fréttatilkynning 30. september 2015

Bústólpi lækkar kjarnfóðurverð frá og með 1. október 2015. Verðlækkunin nemur 2,5 til 3,0% á öllum tegundum kjarnfóðurs að Premium blöndunum undanskildum sem lækka minna.

Hagstæðari innkaup, sérstaklega vegna gengisþróunar og verulega aukin sala á kjarnfóðri gera félaginu kleyft að lækka verð nú til bænda. Ánægjulegt er frá að segja að verðlækkunin nú er sú sjötta í röð verðlækkana frá því í maí árið 2013.

 

Nánari upplýsingar veitir Hólmgeir Karlsson, framkvæmdastjóri, í síma 893-9750

Fréttatilkynning frá RML og Bústólpa 04.09.2015

Bústólpi og Ráðgjafarmiðstöð landbúnaðarins semja um ráðgjöf til kúabænda
RML og Bústólpi hafa gert samkomulag um gerð fóðuráætlana í haust og ráðgjöf til bænda. Með samkomulaginu hyggst Bústólpi bjóða sínum tryggu fóðurkaupendum uppá fría grunnþjónustu við fóðuráætlanagerð sem felst í töku heysýna, efnagreiningu og gerð grunn fóðuráætlunar. Fóðurráðgjafar RML munu annast alla framkvæmdina frá töku sýna til fóðuráætlunar og verða þannig í beinum samskiptum við bændurna, eftir að Bústólpi hefur gefið upp hverjir eiga að njóta þjónustunnar sem verður á kostnað Bústólpa.