Þjónustudeildir DeLaval sameinaðar - 01-09-2016

Til þess að tryggja betur þjónustuna við eigendur DeLaval mjaltaþjóna og hefðbundinna mjaltakerfa hefur verið ákveðið að sameina þjónustuna í eina deild hjá Bústólpa á Akureyri. Fram að þessu hefur þjónustan verið rekin bæði hjá Fóðurblöndunni í Reykjavík og hjá Bústólpa á Akureyri.

Við þessar breytingar færast tveir starfsmenn frá Fóðurblöndunni til Bústólpa. Viðkomandi starfsmenn verða þó áfram staðsettir á Suður- og Vesturlandi eins og verið hefur.

Mikill vöxtur hefur verið í sölu á DeLaval mjaltabúnaði, sérstaklega mjaltaþjónum, síðast liðin ár og því mikilvægt að efla enn frekar þjónustu við bændur á þessu sviði. Sameining þjónustunnar í eina deild mun gera þjónustuna skilvirkari og betri.

Þjónustudeildin mun sjá um alla þjónustusamninga við eigendur DeLaval mjaltaþjóna og hefðbundinna mjaltakerfa ásamt öðru viðhaldi og uppsetningum á nýjum mjaltaþjónum og öðrum DeLaval búnaði hjá bændum.

delaval-frettatilkynning.jpg

Stefán Björgvinsson mun veita deildinni forstöðu.

Starfmenn þjónustudeildarinnar hjá Bústólpa verða eftirfarandi:

  • Stefán Björgvinsson, þjónustustjóri.
  • Magnús Skúlason, þjónustufulltrúi
  • Ingvar Olsen, þjónustufulltrúi
  • Haraldur Þ. Vilhjálmsson, þjónustufulltrúi

 

Símanúmer Delaval verða óbreytt, en neyðarsími DeLaval VMS er: 570 9804.