Áburðarverðskrá 2017 - 25% lækkun

Bústólpi stórlækkar verð á Græði áburði - 25% lækkun.

Vegna hagstæðrar verðþróunar á áburðarhráefnum og hagstæðrar þróunar í gengismálum lækkar verð á Græði áburði um 25% frá síðasta ári.

Í fyrra lækkaði verðskráin um meira en 12%. Stórfelldar lækkanir síðustu tveggja ára eru sannarlega góð tíðindi fyrir bændur.

Líkt og undanfarin ár flytur Bústólpi inn sinn áburð í samstarfi við Áburðarverksmiðjuna/Fóðurblönduna og nær sölusvæðið yfir Eyjafjörð, Þingeyjarsýslur og austur um t.o.m. Vopnafirði.

Vöru og verðskráin liggur nú fyrir og er afar ánægjulegt að kynna þessa miklu lækkun frá því í fyrra. Bestu verð fást ef áburður er pantaður fyrir 31. janúar 2017 og greiddur fyrir eindaga 15. mars 2017, en einnig eru í boði hagstæðir vaxtalausir greiðslusamningar líkt og í fyrra.

Við bjóðum áfram sérstakan vildarafslátt til tryggra viðskiptavina Bústólpa.

Nýja verðskrá má sjá hér: Áburðarverðskrá Bústólpa 2017 með vildarafslætti

Í ár bjóðum við öllum sem panta fyrir 31. janúar og kaupa 10 sekki eða fleiri frían flutning heim.

Hráefnin í áburðinum skipta máli uppá nýtingu og sprettu

Sérhannaður og fosfórríkur áburður með háan vatnsleysanleika

Græðir áburður er hannaður fyrir íslenskar aðstæður. Áburðurinn er fosfórríkur og með háan vatnsleysanleika sem hentar vel aðstæðum á  Íslandi þar sem er kalt loftslag, stuttur vaxtatími og sérstök jarðvegsgerð krefst hærra fosfórsinnihalds.

Kalkríkar tegundir

Köfnunarefnið í Græði áburði er kalkríkara en hjá öðrum íslenskum innflytjendum áburðar. Köfnunarefnisáburðurinn inniheldur 8% kalsium (kalk) en það er  mikilvægt til þess að vinna gegn súrnun jarðvegs en súr jarðvegur eykur hættu á kalskemmdum. Rétt sýrustig jarðvegs tryggir bæði meiri uppskeru og betri heygæði.

Áburður án kadmium

Græðir áburður inniheldur ekki þungmálma eins og kadmium. Fosfórinn  í tegundum Græðis  er upprunninn frá Kola-skaga. Framleiðendur í Evrópu nota jafnan ódýran fosfór frá Norður Afríku sem inniheldur mikið af kadmium.

Bændur eru hvattir til að hafa samband við sölumenn okkar sem munu leiðbeina frekar um val á áburðartegundum og greiðslukjörum.

Starfsfólk Bústólpa ehf.