Áburðarverðskrá 2020

Græðir áburður

Áburðarverðskrá Græðis 2020 er komin út og lækka allar tegundir umtalsvert milli ára. Verðlækkunin nú er tilkomin vegna lækkuna á áburði á erlendum mörkuðum.

Líkt og undanfarin ár flytur Bústólpi inn sinn áburð í samstarfi við Fóðurblönduna og nær sölusvæðið yfir Eyjafjörð, Þingeyjarsýslur og austur um t.o.m. Vopnafirði.

Bestu verð fást ef áburður er pantaður fyrir 31. janúar 2019 og greiddur fyrir eindaga 15. mars 2019, en einnig eru í boði hagstæðir vaxtalausir greiðslusamningar líkt og í fyrra.

Við bjóðum áfram sérstakan vildarafslátt til tryggra viðskiptavina Bústólpa.

Nýja verðskrá má sjá hér: Áburðarverðskrá 2020
og vöruskrá: Áburðarvöruskrá 2020

Áburðarritið Græðir má finna hér: Græðir 2020 

Í ár bjóðum við öllum sem panta fyrir 31. janúar og kaupa 10 sekki eða fleiri frían flutning heim.

Framleiðslustaður fyrir blöndun og sekkjun áfram í Finnlandi

Áburðarframleiðslan fyrir Græðir áburð verður áfram í Finnlandi. Finnar hafa mjög góða reynslu í meðhöndlun á áburði og hafa í áratugaskeið framleitt hágæðaáburð til bænda. Okkar sekkjunarstaður uppfyllir allar okkar gæðakröfur varðandi framleiðslu og sekkjun á þeim áburði sem Fóðurblandan og samstarfsaðilar munu bjóða uppá.

Vel heppnuð breyting á umbúðum

Á síðasta ári var ráðist í gagngerar breytingar á ytri og innrabirði stórsekkja Græðis áburðar. Einkenni nýju sekkjana er góður styrkur sem þolir íslenska veðráttu sem jafnframt tryggir þurran og góðan áburð. Sekkirnir uppfylla alla gæðastaðla sem þörf er á ásamt því að vera vottun frá ISO 9001/2000 .

Nýjungar og þróun

Græðir vöruskrá er í stöðugri endurskoðun og fylgst er grannt með allri þróun sem á sér stað hjá áburðarframleiðendum. Ný UREA tegund verður í boði í ár UREA N 46. Boðið verður upp á þrjár UREA tegundir þetta árið með sérstakri húðunartækni, Limus Pro sem hefur verið þróuð um árabil með góðum árangri.                                                                                                                                           

Hráefnin í áburðinum skipta máli uppá nýtingu og sprettu

Sérhannaður og fosfórríkur áburður með háan vatnsleysanleika

Græðir áburður er hannaður fyrir íslenskar aðstæður. Áburðurinn er fosfórríkur og með háan vatnsleysanleika sem hentar vel aðstæðum á  Íslandi þar sem er kalt loftslag, stuttur vaxtatími og sérstök jarðvegsgerð krefst hærra fosfórsinnihalds.

Kalkríkar tegundir

Köfnunarefnið í Græði áburði er kalkríkara en hjá öðrum íslenskum innflytjendum áburðar. Köfnunarefnisáburðurinn inniheldur 8% kalsium (kalk) en það er  mikilvægt til þess að vinna gegn súrnun jarðvegs en súr jarðvegur eykur hættu á kalskemmdum. Rétt sýrustig jarðvegs tryggir bæði meiri uppskeru og betri heygæði.

Fjölkorna og einkorna ábuður

Í Græði áburði eru öll áburðarkornin einkorna. Við framleiðslu á Fjölgræði eru einkorna áburðartegundir einnig aðal hráefnin, en áburðurinn telst þó fjölkorna. Kornastærð og eðlisþyngd er því jöfn sem tryggir bestu mögulegu dreifigæði.

Áburður án kadmium

Græðir áburður inniheldur ekki þungmálma eins og kadmium. Fosfórinn  í tegundum Græðis  er upprunninn frá Kola-skaga. Framleiðendur í Evrópu nota jafnan ódýran fosfór frá Norður Afríku sem inniheldur mikið af kadmium.

Selenbættur áburður

Niðurstöður heysýna hafa sýnt að selen er að skila sér vel í gróffóðrið. Við munum nú í ár bjóða upp á sjö tegundir með seleni: Græðir 8, Græðir 9, Fjölmóða 3, Fjölmóða 4, Fjölgræðir 6, Fjölgræðir 7 og Fjölgræðir 12.

Magnesíumbættur áburður

Til að þess að bjóða viðskiptavinum magnesíum hefur Græðir tvær tegundir í vöruskránni sem innihalda 1,6% af hreinu magnesíum (Mg). Hráefnið er magnesíum súlfat sem er auðleysanlegt í jarðvegi og plantan nýtir.

Bændur eru hvattir til að hafa samband við sölumenn okkar sem munu leiðbeina frekar um val á áburðartegundum og greiðslukjörum.

Starfsfólk Bústólpa ehf.