Hágæða steinefnablöndur og vítamín

Við hjá Bústólpa bjóðum upp á mikið úrval af hágæða steinefnablöndum og vítamínum fyrir íslenskt búfé. 

Veldu rétt

Vantar þig aðstoð við val á réttu steinefnablöndunni? Hvort sem þú ert í mjólkurframleiðslu eða nautakjötsframleiðslu þá færð þú steinefnablönduna hjá okkur. Skoðaðu nýja leiðarvísirinn okkar sem leiðir þig að réttu blöndunni. Með því að smella á vöruheitið færðu nánari upplýsingar um vöruna:

 

Steinefnablöndur

Effekt Midi Island - kurluð steinefnablanda

Er kurluð steinefnablanda sem sérframleidd er fyrir Bústólpa af Lantmännen í Svíþjóð. Mikil reynsla er komin á þessa blöndu sem framleidd er eftir uppskrift Bústólpa. Blandan er þannig sérsniðin að íslenskum aðstæðum og er sérstaklega rík af Seleni (Alcosel-lífrænt selen)

Effekt kögglaðar steinefnablöndur

Tvær grunntegundir af steinefnablöndum; Alhliða steinefnablanda og kalsíumrík steinefnablanda.

PRX Bústólpi 43

Er fínkurluð steinefnablanda fyrir kindur. Þessi blanda var áður þekkt hjá Bústólpa undir nafninu Stewart 43

Effekt Optimal Balans V

Effekt Optimal Balans V er ný kynslóð steinefna og er sérstaklega hönnuð fyrir mjólkurkýr. Hún hefur sama steinefna- og vítamíninnihald og Effekt Optimal en þar til viðbótar inniheldur hún ilmkjarnaolíur. Olíurnar hafa áhrif á örverurnar í vömbinni með þeim hætti að draga úr virkni þeirra sem brjóta fóðurprótein niður í ammoníak. Þetta bætir nýtingu próteins því minna tapast út sem úrefni og stærri hluti þess kemst þá niður til þarma.

Effekt Fruktsam

Effekt Fruktsam er kurluð steinefnablanda fyrir kýr og kvígur sem fá lítið sem ekkert kjarnfóður. Hún er sérstaklega samsett fyrir kvendýr sem eru bæði að þroskast og/eða eiga að festa fang. Blandan hentar einkar vel þar sem fóðrað er eingöngu á gróffóðri eins og kýr í nautakjötsframleiðslu og kvígur í uppeldi fá gjarnan. Blandan inniheldur mikið magn af seleni og vítamínum. 

Effekt Kalva

Effekt Kalva er kurluð steinefnablanda sérstaklega samsett fyrir geldkýr, hámjólkandi fyrsta kálfs kvígur og kýr sem eru í nautakjötsframleiðslu. Blönduna má einnig nota við lífræna framleiðslu. Fyrir geldkýr inniheldur þessi blanda aukalega af þeim steinefnum og vítamínum sem eru nauðsynleg kúnni og ófæddum kálfi hennar samanborið við hefðbundnar steinefnablöndur.

Mixa Optimal

Mixa Optimal er alhliða steinefnablanda sem hentar við hefðbundnar aðstæður á gróffóður- og kjarnfóðurgjöf þar sem þarf að bæta aðeins við steinefnagjöfina. Mixa er sérstaklega hannað fyrir mjólkurkýr en hún hentar líka ágætlega fyrir kýr í nautakjötsframleiðslu og gripi í uppeldi. Mixa er sérstaklega hugsað fyrir þá sem eru með fóðurblandara og vilja að steinefnin blandist gróffóðrinu vel.   

Acid Buf

Acid Buf er áhrifaríkur buffer í vömbina sem inniheldur kalkþörunga. Acid Buf er sérstaklega gert til þess að brotna hægt niður í vömbinni sem gefur því jafnari áhrif yfir lengri tíma samanborið við t.d. natríumbikarbonat. Áhrifanna á sýrustig vambarinnar gætir því lengur. Acid Buf er ekki bara buffer heldur einnig steinefni. Acid Buf er náttúruleg uppspretta stein og snefilefna. Það gefur meðal annars kalk en einnig leysanlegt magnesíum.


bustolpi-6932-heimasidan-steinefni-web_1024x266